金石XX澳門史中的幾個校對

校對:
本來校對呢家野, 見到都怕怕, 所以呢件任務完全不關我事, 自問才疏學淺, 盲字都唔色多個, 點做教對呢!

但是, 本"金 石XX澳門史 ", 係用來參考之用, 都唔知點解, 我要用的資料...., 總之,  幾個都算重要部份, 剛剛卡住我!!!!!!!!!!!!!!已知的已經四個, 其他不詳.

1. 某廟某年捐錢的公司刻有"沙頭"字樣, 某碑文, 書入面只有三間, 經過核對, 應為有四間
2. 我老友, 賭王馮成, 居然打左第二個姓, 激到跳起
3. 康有為的師公個名, 竟然打成"精園", 好嬲定好笑, 上網查到是"樸園"!

 4. 前一排, 中山的宗叔, 帶佢睇碑文, 俾佢見到'華根'二字時, 大贊我好野, 佢就有古講了, 好在都接得住. 我番去查本書, 打了"華振", 七孔生煙.

有沒有其他, 靠其他人了. 能見到上述校對, 只是陰錯陽差.

馮成 (即馮鳳韶) 籍貫考

真慘!  馮成，又名 馮鳳韶, 俾人當小說亂寫, 連籍貫都改了去南海官窯, 最陰功是本澳門編年史, 當執到寶, 放了入正文, 連出處都沒有. 雖然, 該史將某某的有些小說內容放入正文後, 在註釋中用了"誤", "再誤", "均誤"等字眼, 鬼睇到詳!

我已經論證到, 連佢後人成堆都出哂, 包括兩個"雪"孫, 曾孫攪民主革命, 南海縣志有記, 最後, 和曾曾孫通埋電話....., 足證呢班係“南海沙頭”鄉親. 近排多了班博士研究生寫佢, 希望識貨更正啦.

真係有緣, 我鄉下祖屋的村尾,有馮家大祖墓; 馮成的主要生意在草堆街, 我自細在那裡大; .... 一大堆.